PAGTATANONG SA MGA CITAS (Pagsasanay)

Suma ating Espiritu ang kapayapaan ng Dakilang Dios Ama El Shaddai, El Abba, Eloah, YAHWEH sa Pangalan ng Dakilang Panginoong JesuCristo El Shaddai, El Adonai, Yeshua Alleluia Alleluia Alleluia

Pagtatanong sa citas na pinagaaralan
Sino? Ano? Alin? Saan? Kailan? Bakit? Paano?

LIMANG (5) SUSI SA EVANGELIO

1. Ang pagpapahayag ng Evangelio ay kailangang magmula sa puso, paitaas sa isip. Sapagkat ang anomang aral na hindi nagmumula sa pagibig ay dito nagkakaroon ng pagkakaiba ang pananampalataya at kautusan.
   a. Pananampalataya - ang damdamin na binubuo at binibigyan kahulugan ng puso o isip. Nauukol sa Espiritu.
   b. Kautusan - aral na tinanggap ng isip at pilit na ipinagagawa sa puso. Nauukol sa katawang laman.

2. Layunin ng Pagkilala sa Pananampalataya at Kautusan. Ang pagninilay sa pananampalataya ay nakadaragdag ng mga bagay, kaalaman, kaunawaan at lakas na ipinagkakaloob ng Espiritu Santo sa nagtataglay ng katangiang ito. Tulad sa sinasabi ng Panginoon (Ang wala ay aalisan pa pati na ang inaakala na nasa kaniya -Juan16.12-15; Mateo 13.12)

3. Dahil sa lihim na layuning ito, ang lihim na bagay, panahon, tauhan at pangyayari na ginamit ng Panginoon ay isa lamang halimbawa na kumakatawan sa ugali, kaisipan, hilig at layunin ng iba pang tao.

4. Dahil din dito, nagiging kapuna-puna na sa bawat talinghaga kung pagsusunud-sunurin ay makagagawa ng isang tiyak na hamon sa pananampalataya ng tao.

5. Ang tunay na pananampalataya ay ang nadadamang pagkakilala, pananalig, pagasa at pakikiisa o pakikibahagi sa sinasampalatayanan.

Note:
   Ang talinghaga ay ibinigay ng Panginoon upang tukuyin ang nagaganap o ang kalagayan ng espiritu ng tao na nasa tao upang kung ito ay mahayag una sa damdamin at sa puso ay magkaroon ng puwang ang espiritu na nasa tao na makalaya sa gapos ng kalupaan.